obradoiro de compadres 2010

O obradoiro de compadres estivo moi concurrido este ano:

Máis fotos do obradoiro e da queima, en vindeiros días na WIKI da biblioteca.

servido por bpmsavinao sin comentarios compártelo

Entroido na Biblioteca

A Biblioteca de Escairón prepara varios obradoiros de Entroido:

*Obradoiro de Compadres:

• mércores 3 a partir das 5.30 na Biblioteca de Escairón, elaboración de compadres que sairán á rúa o xoves 4.

*Obradoiro de Comadres:

• mércores 10 a partir das 5.30 na Biblioteca de Escairón, elaboración de comadres que sairán á rúa o xoves 11.

*Obradoiros de máscaras:

• mércores 10 a partir das 4.15 na Biblioteca de Currelos, elaboraranse máscaras para completar os disfraces escollidos polos participantes.
• luns día 15 a partir das 5.30 na Biblioteca de Escairón, elaboraranse máscaras para completar os disfraces escollidos polos participantes.

servido por bpmsavinao sin comentarios compártelo

2010, Ano do Libro e da Lectura (2)

Máis concursos e premios para os usuarios da biblioteca, sobre todo se son usuarios do seu catálogo en liña, pois ademais de estar informados das últimas incorporacións da biblioteca, poderán recibir un dos

Premios ós mellores comentarios do catálogo

Cada mes premiaranse os dous mellores comentarios (un de infantil e outro de adultos) feitos pol@s soci@s da biblioteca sobre os libros do catálogo da mesma. Ó final do ano, premiaranse os tres mellores comentarios do ano, independentemente da categoría á que pertenzan.

Valorarase que axuden a outras persoas a decidirse ou non por ese libro. Para poder entregar os premios, é importante non facer os comentarios anónimos (o ideal é identificarse co nome ou as iniciais e o número de soci@ e indicar a idade).

BASES XERAIS:

• A finalidade deste concurso é facilitar a outras persoas interesadas por un libro a decisión de se lles interesa ou non lelo, se hai libros relacionados con este que lles poidan interesar, se se parece demasiado a outro que xa leron, etc.
• Estableceranse dúas categorías: unha infantil (ata 14 anos) e outra de adultos (a partir dos 15 anos).
• Os comentarios valoraraos a bibliotecaria ou persoa en quen delegue, e as súas decisións serán inapelables.
• Os comentarios seleccionados serán publicados no blog e/ou na wiki da biblioteca amais da páxina da Rede de Bibliotecas de Galicia (á que pertence a biblioteca).
• Terase en a adecuación do comentario ó libro comentado. Non será válido por exemplo un comentario deixado nun libro cando se refire a outro. Valoraranse as referencias a outros libros da mesma temática facendo comparacións útiles e prácticas entre eles, por exemplo adecuación do relato de ambientación histórica coa historia en Bajo el sol de Kenia; comparación en canto á temática entre o Diario de Ana Frank e El niño con el pijama de rayas de John Boyne; comparación de El señor de las moscas ou Trece badaladas coas respectivas películas,... [NOTA: estes exemplos non serán considerados válidos para o concurso]
• Os premios consistirán en material relacionado coa lectura e os libros.

Se non coñeces o teu número de socio, pásate pola biblioteca para averigualo.

Na ficha dun libro e ademais de ler os comentarios doutras persoas, podes deixar a túa opinión. Como? Moi sinxelo:

servido por bpmsavinao sin comentarios compártelo

2010, Ano do Libro e da Lectura (1)

O ano 2010 foi declarado en Galicia como Ano do Libro e da Lectura.

Como apertura das actividades que se desenvolverán ó longo de todo o ano, a Dirección Xeral de Promoción e Difusión da Cultura envía un autobús de promoción a visitar diversos concellos galegos. Este autobús visitou o concello do Saviñao este día 27 de xaneiro das 12.00 ás 14.00 horas, e situouse na Praza de España, a carón do Concello.

No vehículo, equipado con dúas  salas,  fíxoselles saber ós visitantes da importancia da lectura. Para rematar a visita, obsequiouse ós asistentes con libros.

Ó redor das dúas da tarde chegou un grupo de secundaria do colexio de Escairón e que fixeron a visita en inglés, posto que estaban na hora desa asignatura. Parece que marcharon contentos:

servido por bpmsavinao sin comentarios compártelo

xogo axudante de biblioteca

Para axudarvos a pasar o rato e animarvos a que participedes na biblioteca como voluntarios para botar unha man, recoméndovos que xoguedes un chisco. O xogo que presento aquí é similar ó da campaña de promoción de Internet nas Bibliotecas que levara a cabo a Consellería ó pouco de por a disposición dos usuarios das bibliotecas galegas ordenadores con acceso gratuíto a internet. Xogo para axudar na biblioteca:

Axudante de biblioteca

Pulsa aquí para xogar

Gustaríavos practicalo na vida real?

Preguntade na vosa biblioteca favorita pola posibilidade de axudar!

Se tés algunha habilidade especial, seguro que saberemos darlle máis utilidade!

servido por bpmsavinao sin comentarios compártelo

A biblioteca máis pequena do mundo

Facémonos eco da protesta que fan en Westbury, nova que puidemos ler no xornal minutodigital. A información completámola cos datos atopados na páxina de BBC News.

Os habitantes da vila británica de Westbury-sub-Mendip (Somerset) quedaron en pouco tempo sen cabina telefónica e sen servizo de biblioteca mobil. Por iso o consello parroquial decidiu comprar a cabina por un prezo simbólico de 1£, e reconvertir a clásica cabina vermella na biblioteca máis pequena de Gran Bretaña.

Como se pode ver, tén moito éxito, tanto entre grandes coma entre cativos, e hai cola para acodir a intercambiar libros.

Tén desde libros a revistas, pasando por materiais audiovisuais coma CDs e DVDs:

Cada un pode escoller o que lle guste. Sen fumar, claro:

E coma en calquera edificio de biblioteca, rógase non ser escandaloso:

Iniciativas orixinais para solucionar necesidades concretas, neste caso de entretemento.

As coñecidas cabinas británicas, son consideradas obras de arte, e teñen sido reconvertidas en baños públicos, duchas, ... e agora tamén en bibliotecas. O éxito desta iniciativa pode medirse tamén polo gran número de solicitudes de cabinas telefónicas para este fin feitas á empresa BT por numerosos consellos parroquiais.

servido por bpmsavinao sin comentarios compártelo

Premios 2009

Finalizamos o ano dando a coñecer os premiados das seguintes campañas:

CELEBRACIÓN DO DÍA DAS BIBLIOTECAS

Para celebrar o 24 de outubro o Día das Bibliotecas, a cada socio que realizara algunha reserva de libros a través do portal web entre os días 22 de outubro e 4 de novembro, regalábaselle un libro a escoller de entre os títulos que a biblioteca ten por duplicado. Recibirán tamén 1 libro os que fixeron reservas durante todo o mes de outubro e o de novembro.
A relación dos socios agraciados é a seguinte:
- Beatriz Carballo Vázquez,
- Meire Hellen De Souza Pereira,
- Mónica Gamallo Torres,
- Mª José Otero Ferreiro,
- Raquel Rodríguez Martínez,
- María Begoña González Fernández,
- Nuria Pérez Camba,
- Miguel Vázquez Carrero.

CERTAME DE POESÍA INFANTIL DE NADAL 2009

Os traballos premiados na fase local do Certame son os de:
- Abril Galiana na categoría C (de 12 a 16 anos)
- Iván Rodríguez na categoría B (de 9 a 11 anos)

A data de entrega de premios será o venres día 15 de xaneiro ás 18.00 h. na biblioteca.

En vindeiros días, cando se solucionen os problemas técnicos, publicaremos copia dos traballos poéticos premiados.

Feliz 2010

servido por bpmsavinao sin comentarios compártelo

Certame de Poesía Infantil 2009

Por problemas técnicos este post non puido ser publicado co tempo suficiente, polo que o prazo para a entrega de traballos do Certame de Poesía Infantil se amplía do 18 ó 29 de decembro.

Ademais terá lugar un obradoiro de postais e adornos de nadal o venres 18 de decembro ás 17.00 na biblioteca.

Certame de Poesía Infantil "Nadal 2009"

- Convocatoria Local -

A BIBLIOTECA PÚBLICA MUNICIPAL DO SAVIÑAO convoca o CERTAME DE POESÍA INFANTIL "NADAL 2009" (Fase local), de acordo coas seguintes

1.- Poden participar tódolos nenos e nenas, con poemas sobre o tema xenérico de "O NADAL".
2.- Establécense tres categorías:

• A, ata 8 anos,
• B, de 9 a 11 anos,
• C, de 12 a 16 anos.

3.- Cada autor poderá presentar cantos traballos desexe. Os poemas estarán escritos en galego e a súa extensión será como máximo dun folio por unha soa cara. Con cada traballo, acompañarase unha folla co nome e demais datos do autor.
4.- O prazo de presentación dos poemas rematará o 29 de decembro de 2009, debendo ser entregados polos seus autores na BIBLIOTECA PÚBLICA MUNICIPAL.
5.- Un xurado, formado por entendidos na materia, seleccionará por cada modalidade e categoría un máximo de tres traballos. Os autores seleccionados recibirán cadanseu diploma e libros.
6.- Os traballos premiados nesta fase local, participarán na fase provincial do Certame, convocada pola Biblioteca Pública Provincial de Lugo, co patrocinio da Consellería de Cultura e Deporte da Xunta de Galicia.
7.- O fallo do xurado local farase público antes do 14 de xaneiro do 2010.

A data de entrega de premios e diplomas ós participantes darase a coñecer na biblioteca.

Cos traballos seleccionados na fase provincial editarase unha publicación. Os traballos publicados en anteriores edicións pódense consultar na biblioteca. As portadas pódense ver na wiki da biblioteca.

servido por bpmsavinao sin comentarios compártelo