Amalia Otero e Jaureguízar na biblioteca

Amalia Otero estivo o día 6 de novembro pola tarde con participantes do concello do Saviñao no Programa Preescolar na Casa.

Explicou os distintos tipos de contos e libros para as distintas idades, e despois os elementos básicos que compoñen un conto. A partir de aí, foron os pais os que empezaron a traballar para elaborar os seus propios contoscon elementos sorprendentes.

Jaureguízar visitou a biblioteca cos alumnos de 3º e 4º da ESO do colexio de Escairón o día 17 pola mañá.

Despois de presentarse e dicir que é periodista e escritor, pasou a pedir a colaboración dos asistentes para contar a historia de 2 limóns, que serían as personaxes da historia que elaboraron entre todos: O porco celta Papá sae de marcha unha noite e coñece á periodista e travesti Meri que traballa polas noites como gogó nunha famosa discoteca de Monforte.

servido por bpmsavinao sin comentarios compártelo

Visita de Amalia Pérez Otero

Amalia Pérez Otero, diplomada en Maxisterio e licenciada en Psicopedagoxía, conta con ampla experiencia no eido da educación tanto como mestra coma como psicopedagoga.

Entre as súas publicacións para nenos destacan as coleccións de libros con Yared como protagonista e a dos libros das illas.

Visitará o venres a biblioteca para realizar un obradoiro de contacontos para pais.

servido por bpmsavinao sin comentarios compártelo

SAMAÍN

Para o día 30 de outubro, a biblioteca vestiuse de gala para celebrar o Samaín. Así sorprendemos ós visitantes da biblioteca este día:

Pódese ver algunha foto máis do samaín na wiki, sección Actividades Recentes e tamén na sección Fotos deste blog.

servido por bpmsavinao 3 comentarios compártelo

actividades previstas

Para celebrar a Semana da tradición oral, a biblioteca tén previstas varias actividades:

EXPOSICIÓN DE CONTOS E LENDAS DE TRACICIÓN ORAL

día: a partir do 3 de novembro.
con: libros da biblioteca
para: todos os visitantes da biblioteca

CONTAMOS TODOS: Obradorio de contacontos para pais

día:  6 de 18.00 a 20.00 h.
con: Amalia Pérez Otero
para: pais e nenos participantes no programa Preescolar na Casa

TI CONTAS (obradoiro)

día:  17 de 11.45 a 12.45 h.
con: Santiago Jaureguizar
para: alumnos de 3º e 4º da ESO do CPI de Escairón

servido por bpmsavinao sin comentarios compártelo

contacontos-obradoiro kamishibai

Tralo éxito da actividade, os 15 rapaces que se animaron a reproducir o conto de Aladino e a lámpada marabillosa en láminas, invitan a quen queira asistir o vindeiro venres, día 30 de outubro a partir das 18.30, á representación-exposición da súa obra.

Ó longo da vindeira semana darán os últimos toques á súa obra.

servido por bpmsavinao sin comentarios compártelo

Día das Bibliotecas 2009

Para celebrar o Día das Bibliotecas, o día 24 de Outubro, a biblioteca municipal presenta dúas actividades:

-xoves 22: obradoiro de manexo do catálogo web, e iniciación ó uso dos recursos web accesibles en liña só por ser socio dunha biblioteca galega. Será na Sala de Informática a partir das 5 da tarde cos grupos que se vaian formando.

-venres 23: sesión de kamishibai coa obra "Hans e a princesa", e miniobradoiro de creación de kamishibai ó rematar o conto. Será na Sala Infantil a partir das 6 da tarde.

Ademais:

-mantéñense as exposicións de novidades e a do outono.

-a cada socio que realice algunha reserva de libros a través do portal web entre os días 22 de outubro e 4 de novembro, regalaráselle un libro a escoller entre os títulos que a biblioteca tén por duplicado.

Ver pregón do Día da Biblioteca.

servido por bpmsavinao sin comentarios compártelo

clásico infantil adaptado para a gran pantalla

Un clásico entre os clásicos é o título Onde viven os monstros de Maurice Sendak, que se pode leer na biblioteca do Saviñao tanto en galego coma en castelán.

Este clásico xa hai tempo que se podía ver en debuxos animados:

Agora da o gran salto con actores de carne e óso.

Dirixida por Spike Jonze, xa tén data de estreno: 18 de decembro, a punto para as vacacións de Nadal.

Está protagonizada por Catherine Keener, Max Records, Mark Ruffalo, Lauren Ambrose, Chris Cooper, James Gandolfini, Catherine O'Hara, Forest Whitaker, Alice Parkinson, Robby D. Bruce e Steve Mouzakis.

Podedes ver un avance da película aquí mesmo:

Loxicamente nunha película cóntanse máis aventuras das que aparecen no libro, pero ... queres saber máis antes de que chegue a película? Pásate pola biblioteca.

servido por bpmsavinao sin comentarios compártelo

outono na biblioteca

A exposición estacional de fondos, ubicada na entrada, dá a benvida e sorprende ós usuarios que desde hoxe acoden á biblioteca. Está composta por libros, pero tamén por froitos e plantas.

É unha exposición viva / morta que irá cambiando diariamente: as follas e froitos irán madurando e murchando co paso dos días, e as plantas sorprenderán coa súa evolución, pois irán medrando, soltando a folla (árbores) ou morrendo (plantas silvestres) segundo o seu ciclo vital.

Os libros que forman parte da exposición tratan principalmente sobre setas (como recoñecelas, como cociñalas) ou teñen temática sobre a estación, son libros para todos os públicos. Por certo, son libros que se poden levar para a casa.

servido por bpmsavinao 1 comentario compártelo