fase provincial do Certame de Narración e Debuxo Letras Galegas

Acaban de chegar as fotos da entrega de premios da fase provincial do Certame de Narración e Debuxo Día das Letras Galegas 2008, celebrada en Lugo o pasado día 26 de xuño.

galardoados da fase provincial e os traballos seleccionados:

traballo seleccionado desta biblioteca e entrega do premio:

Felicitar novamente a Arlet, que recibiu un accésit na fase provincial.
Pódense ver máis fotos e os traballos premiados na fase local na biblioteca.

servido por bpmsavinao sin comentarios compártelo

Fallo do Certame de Narración e Debuxo Infantil

Xa está exposta na biblioteca a relación de galardoados no certame Certame de Narración e Debuxo Infantil Día das Letras Galegas 2008.

A data de entrega de premios publicitarase na biblioteca e ós galardoados comunicaráselles telefonicamente.

Expoñerase na biblioteca coma de costume unha copia dos traballos seleccionados para participaren na fase provincial.

servido por bpmsavinao sin comentarios compártelo

Día das Letras Galegas 2008

Dende hai 46 anos o 17 de maio celébrase o Día das Letras Galegas , a lista de homenaxeados inaugurouna Rosalía de Castro en 1963.

Este ano adícaselle a Xosé María Álvarez Blázquez.

Naceu en Tui (Pontevedra) o 4 de febreiro de 1915, e faleceu en Vigo en marzo de 1985.

Escritor en lingua galega e castelá, Álvarez Blázquez pertencía a unha familia de escritores (é fillo de Darío Álvarez Giménez e afillado de Xerardo Álvarez Limeses, publicou algún libro en colaboración co seu irmán Emilio, e varios dos seus fillos manteñen esa afección artística), militou na Federación de Mocedades Galeguistas e no Partido Galeguista.

Xa ós 15 anos empezara a escribir e publicar artigos en xornais de Pontevedra e Tui. Estudou maxisterio e foi mestre en Galicia e Zamora, e profesor de instituto en Vigo.

Fundou a revista Cristal en Pontevedra. Xunto con Luís Viñas Cortegoso fundou a Editorial Monterrey en 1950, e en 1964 Edicións Castrelos, coa finalidade de publicar libros en galego (tanto de autores galegos como extranxeiros traducidos ó galego) nunha época na que apenas existían libros editados na nosa lingua.

Ingresou na Real Academia Galega en 1962.

Fundou a Editorial Castrelos en 1964.

Como escritor, pódese dicir que escribiu en case tódolos xéneros literarios: ensaio, teatro, novela, relato curto, poesía, artigos periodísticos. Maiormente escribiu en galego, aínda que tamén tén algunha obra en castelán (En el pueblo hay caras nuevas (1945)).

Da súa obra en galego destacan: Os ruíns (1936) e A pega rabilonga e outras historias de tesouros (1971), no xénero da narrativa infantil; xunto co seu irmán Emilio, Poemas de ti e de min (1949), Roseira do teu mencer (1950), Cancioneiro de Monfero (1953) (a semellanza dos cancioneiros medievais), Romance do pescador peleriño (1954), ademais de Canle segredo, escrito no 54 e publicado no 76; como ensaísta, publicou Escolma de poesía galega II: A poesía dos séculos XIV a XIX (en 1959), Escolma de epigramas (1968), e Escolma de poesía medieval (1975).

A RAG, basea a súa decisión de homenaxear coas Letras Galegas 2008 a Álvarez Blázquez por ser "o exemplo perfecto dun home polígrafo, erudito e interesado pola historia, a arqueoloxía ou a literatura", e destacou tamén o seu "importante labor" como defensor da lingua e cultura galegas.

Coma sempre, podedes consultar as obras deste autor dispoñibles na biblioteca.Tamén as obras do seu irmán. Podes ver as súas obras e visitar a exposición sobre o autor que está colocada desde esta semana na biblioteca.

A relación de gañadores do Certame de Narración e Debuxo Infantil Letras Galegas 2008 publicarase a partir do día 16.

servido por bpmsavinao sin comentarios compártelo

Linguas varias

Hoxe toca falar de lingua.

Pode ser moitas cousas:

Hoxe asociaremos lingua non a imaxes, senon ó oido, a sonido. Podemos escoitar as palabras, como no audiolibro Las cien lecciones del aprendiz de sabio (que nos axuda a entendernos mellor a nós mesmos para ser máis felices e que se pode atopar na biblioteca), en cancións, etc.

Pero tamén podemos escoitar palabras nun poema, ou nunha declaración de amor. Estas son quizais as palabras que máis tocan os sentimentos das persoas.

Con estas palabras podemos decirlle a unha persoa o que sentimos por ela, o que nos fai sentir,... e se ademais queremos berrar os nosos sentimentos ós catro ventos, podemos aproveitar o certame Lingua de Amor 2008: concurso de declaracións de amor en galego a través da rede.

servido por bpmsavinao sin comentarios compártelo