A pesar da mañá tan chuviosa, pola tarde, á parte do frío, fixo un día excelente para as actividades ó aire libre.
Comezamos a visita puntuais ás 4.30 no Pazo de Arxeriz, para ver o ecomuseo e o seu entorno.
Ás 6.20 en Escairón, desfrutamos á beira da Debesa con risas dalgunha lectura de todos coñecida (o famoso "-No es verdad, ángel de amor, que en esta apartada orilla...?"), vimos cómics clásicos e actuais, audiolibros, libros para practicar idiomas, libros "de campo" como guías de rutas a pé ou en bicicleta, guías de prantas, ... E levamos de recordo algún libro para practicar a lectura en calquera lugar.
Chegamos a Santo Estevo de Ribas de Miño ás 7.30, unha hora moi xeitosa para desfrutar das cores coas que o seu famoso rosetón ilumina o interior, e da vista panorámica que hai do encoro de Belesar desde a ruta de acceso á igrexa.
servido por bpmsavinao
1 comentario
compártelo
Deixamos hoxe tamén un pequeno recordo gráfico do paso pola biblioteca de Mario Tomás, que nos levou de viaxe por diversos países e continentes.
Coñecemos contos de personaxes diversas: pobres que chegan a vivir entre príncipes e princesas grazas ó seu inxenio e á boa sorte ("chiripa" que lle chaman algúns); un pano misterioso que cambia de pano a saia, de saia a capa, de capa a marioneta ou de marioneta a cabalo antes de levarnos voando a África para vivir as aventuras de animais africanos varios: saltóns, xaguares e lebres, con leóns, rinocerontes, elefantes e rás polo medio.
Historias todas elas que nos fixeron sorrir moitas veces ó longo da narración e incluso rir a gargalladas.
Para obter as fotos, teñen xa instruccións as profesoras que asistiron á actividade.
servido por bpmsavinao
sin comentarios
compártelo
Hoxe festéxase o Día Internacional do Libro e dos Dereitos de Autor. ¿Por que?
O día 23 de abril de 1616 morreron Cervantes, Shakespeare e o Inca Garcilaso de la Vega. Na mesma data do mes de abril conmemóranse os aniversarios do nacemiento ou da morte de toda unha serie de escritores eminentes como Maurice Druon, H. Laxness, Vladimir Nabokov, Josep Pla ou Manuel Mejía Vallejo.
¿Habería unha data que cadrara mellor coa celebración do Día Internacional do Libro e dos Dereitos de Autor? É difícil.
Máis datos interesantes sobre esta data:
Foi proclamada pola UNESCO no ano 1996.
Editoriais, librarías, bibliotecas, escolas, centros culturais, etc. promoven actividades ó redor do libro na sociedade de hoxe.
Por exemplo, as bibliotecas fan xornadas de portas abertas entre outras, os colexios fan murais, len o Manifesto da UNESCO e a declaración do director da UNESCO polo Día do Libro, visitan as bibliotecas do entorno, etc., as librarías fan descontos, ...
A biblioteca Municipal do Saviñao celebrará esta data tan especial, invitando ós alumnos de 1º e 2º da ESO do CPI de Escairón a visitar a biblioteca, que contará coa presencia de Mario Tomás, que nos presentará os seus Contos doutro Lugar.
Un día coma calquera outro para ler, pero quizais un pouco máis especial porque é festa para os amantes dos libros.
servido por bpmsavinao
sin comentarios
compártelo
Aquí queda un pequeno recordo gráfico da visita de Marisa Irimia, que nos deixou con ganas de máis.
Comezou contándonos unha historia que alguén situaba no país de NORUESTE: era a historia norueguesa de Hans e a princesa que non ría.
Despois viaxamos ata África para averiguar por que hai tantas pedras nos ríos, da man de Dassou, un neno do Chad.
Tamén navegamos por unha mar embravecida nun barco de papel máxico que tiña un capitán moi dormiñón.
E por último despedimos a celebración, cuns bicos viaxeiros moi cariñosos cos que despedimos a Marisa, e unha boa ristra de foguetes explosivos, aplausivos e chasquivos.
servido por bpmsavinao
sin comentarios
compártelo
Dende 1965 (hai 43 anos), vense conmemorando cada día 2 de Abril a data de nacemento de Hans Christian Andersen no Día Internacional do Libro Infantil e Xuvenil.
Contos máis coñecidos do autor:
- O parruliño feo
- O soldadiño de chumbo
- O traxe novo do emperador
- A princesa e o chícharo
- A raíña das Neves
- A vendedora de mistos
- A sereíña
- Polgariña
Outros non tan coñecidos son:
- O porquerizo
- Nicolasín e Nicolasón
- O reiseñor
- As mazás da prosperidade
- O abeto
- Os cisnes salvaxes
- ...
Hoxe contamos para festexalo coa visita de Marisa Irimia, que nos ameniza con varios dos seus Contos de Papel.
servido por bpmsavinao
sin comentarios
compártelo
