A maxia inunda a Biblioteca
E seguimos a impactar ós visitantes.
Seres máxicos invadiron a biblioteca este verán: magos (Harry Potter), bruxas (Kika, Katie Kazoo e Molly Moon), dragóns (Eragon e Eldest), monstros diversos (vampiros, mortos viventes,...) e outros seres máxicos (gnomos, elfos, fadas, trasnos,...). Libros para tódalas idades, cheos de misterio, maxia e aventura que nos axudarán a pasar un tempo de lecer máis entretido desfrutando das sombras nos días máis quentes e do sol nos días máis frescos.
Entre torreóns de castelos misteriosos, emerxen seres fantásticos que coa súa maxia nos fan viaxar a través do tempo e do espazo, a épocas e lugares remotos (como por exemplo a Narniaou a Fairy Oak), onde seremos protagonistas de asombrosas aventuras. Chegaremos a eles atravesando un sendeiro sementado de historias e xogos de seres máxicos e nenos correntes.
Espero que desfrutedes do verán con todos estes libros, osvosos libros, na biblioteca.
