conexión wi-fi
A diferencia do que adoito facer neste blog, informando de actividades, novidades, recomendacións de lecturas, etc, hoxe cambio radicalmente o tema e o estilo (escribindo incluso en 1ª persoa) para clarificar unha cousa: a deficiente operatividade dos ordenadores de Internet Rural.
Levamos máis dun mes en que navegar cos equipos de Internet Rural se convertiu nunha tarefa totalmente desesperante, estresante, e moitos -ante máis.
Os ordenadores non estaban dispoñibles para os usuarios "porque si". Hai unha razón de peso: a conectividade ralentizouse de tal xeito que as actualizacións dos equipos (que se fan remotamente), quedaron parcialmente bloqueadas e parte dos terminais desprotexidos. Esta desprotección amenazaba non só á seguridade dos equipos senon tamén á das unidades de memoria dos usuarios (pen-drive, disquetes, correos electrónicos, ...)
Tras moitos días de traballo no Centro de Atención ó Usuario e no Centro de Operacións e Mantemento de red.es, e horas e horas de probas, tanto por parte dos técnicos coma pola miña, creo que debo comentar o que se estivo e se está facendo.
Despois de facer moitas medicións e revisións da liña ata comprobar que ésta está en bo estado, os técnicos concluíron que o fallo se produce a partir da entrada do sinal no telecentro. Como parte das comprobacións que están a facer, provisionalmente cancelaron a posibilidade de conexións itinerantes á wi-fi de Internet Rural, por se fora por exceso de conexións que se perdeu a navegabilidade nos terminais fixos da biblioteca (o que parece probable).
Continúa dispoñible a wi-fi interior da Rede de Bibliotecas de Galicia, que presenta caídas de conectividade de vez en cando.
É posible que as dificultades de ámbalas dúas redes se deban ó mesmo motivo.
Tan pronto se solventen estas incidencias, informarei das conclusións ás que se chegue e das posibles consecuencias que se produzan.
Ademais un dos terminais de Internet nas Bibliotecas está no taller, e esperamos que en breve estea de volta.
Quero pedir un pouquiño máis de paciencia e comprensión, porque tivemos que dar moitas voltas ata chegar a detectar o posible desencadeante desta circunstancia, e estamos a traballar duro para solucionalo coa maior prontitude (aínda que pareza incrible ó levar case un mes sen poder utilizar os ordenadores de Internet Rural). Asimesmo quero agradecer encarecidamente a paciencia e a comprensión mostrada por parte dos usuarios durante todo este tempo.
